Gretsiya o‘tgan yilning iyul oyida Afina yaqinida sodir bo‘lgan yong‘indan greklarni qutqarib qolgan uch nafar muhojir-baliqchilarga fuqarolik taqdim etdi. Bu haqda “Liga Novosti” xabar berdi.
Taqdirlash marosimida Gretsiya prezidenti Prokopis Pavlopulos ishtirok etib, erkaklarga ko‘rsatilgan insoniylik uchun minnatdorchilik bildirdi.
Iyunda Afinada yuz bergan yong‘inlar oqibatida eng kamida 90 kishi halok bo‘ldi. Guvohlarning aytishicha, yuzlab odamlar kuchli yong‘in sabab dengizga o‘zini otishiga to‘g‘ri kelgan, ularning ko‘plari qirg‘oqlardagi tuzoqlarga ilingan.
Albaniyalik Jeyk Gani, misrlik Ibrohim Mahmud Muso va Emad Al Haymi aynan necha kishini yong‘indan qutqargani noma’lum, ammo ichki ishlar vaziri Aleksis Xaritsis ular o‘nlab insonlarni qutqarib qolganini ma’lum qilgan.
Prezident Pavlopulos baliqchilarning ushbu harakati Yevropaning insoniylik va hamjihatlik ruhiga qarshi bo‘lgan ksenofobiya shakllanishiga qarshi chaqiruv ekanligini aytdi.
Izoh (0)