O‘zbekiston Prezidentining farmoniga muvofiq, haftasiga besh kun ishlovchilar uchun 30-dekabr, 31-dekabr, 1-yanvar, 2-yanvar va 3-yanvar kunlari (jami besh kun), haftasiga olti kun ishlovchilar uchun esa 30-dekabr, 1-yanvar va 2-yanvar (jami uch kun) dam olish kuni etib belgilangan.
O‘zbekiston Adliya vazirligining tegishli idoralar xabariga asoslanib ma’lum qilishicha, yakuniy hisob-kitoblarni amalga oshirishda aholiga qulaylik yaratish maqsadida bank, moliya hamda soliq idoralarining ayrim xodimlari tomonidan 2018-yil 30 (yakshanba) va 31-dekabr (dushanba soat 15:00 gacha) kunlari ham xizmatlar ko‘rsatiladi.
“Eslatib o‘tamiz, dam olish kunlari va bayram kunlaridagi ishlar uchun kamida ikki hissa miqdorida haq to‘lanishi yoki xodimning xohishiga qarab boshqa dam olish kuni (otgul) berish bilan qoplanishi lozim”, — deyiladi vazirlikning Telegramdagi kanali orqali tarqatilgan axborotda.
Izoh (0)