Mahmud Shirinov (ism-shariflar shartli) ukasi Abror Shirinov bilan til biriktirib, o‘g‘rilikni amalga oshirdi. Bu haqda O‘zA xabar bermoqda.
Xatirchi tumanining “Paraxun” mahallasida yashovchi Adiba Hamidovaning eri va o‘g‘li Janubiy Koreyaga ishlashga ketgani, xonadonida pul va qimmatbaho buyumlar borligini sezgan aka ukasi bilan reja tuzadi va 2018-yil 20-sentabr soat 13:00 larda hovliga o‘g‘rilikka tushadi.
Bu paytda Adiba Hamidova ko‘chaga chiqqan va ishlari bitmagach, tezda uyiga qaytadi. Xonadonga asosiy kirish eshigini ochishga qiynalgani uchun qo‘shnisi Ochil Ahmedovdan yordam so‘raydi va u ham ocholmagach, xonadonning yon tarafi, mashina saqlanadigan garaj tomondan kirishadi. Bunda aka-uka o‘g‘rilar uy egasining kelganini sezib, voqea joyidan ishlarini qisman amalga oshirib qochishga muvaffaq bo‘ladi. Ammo ularning qochuvi uzoqqa cho‘zilmadi.
Jinoyat ishlari bo‘yicha Xatirchi tumani sudining “Paraxun“ mahalla fuqarolar yig‘ini binosida bo‘lib o‘tgan sayyor sudida aka-uka Shirinovlar ishi ko‘rib chiqildi. Ular aybdor deb topilib, Jinoyat kodeksining tegishli moddalari bilan jazo choralari belgilandi.
Izoh (0)