Shvetsiyalik futbolchi Zlatan Ibragimovich faoliyatini AQShda davom ettiradi. 37 yoshli hujumchi “Los-Anjeles Gelaksi” klubi bilan yangi shartnoma imzoladi. Bu haqda jamoaning rasmiy saytida xabar berildi.
Ibragimovich MLS klubi bilan ikki yilga shartnoma imzolagandi, lekin u yuqori maosh oladigan va shartnomasi uzaytirilishi kerak bo‘lgan uch nafar futbolchidan biri hisoblanardi. Shu boisdan uning shartnomasi qayta ko‘rib chiqildi.
Avvalroq “Milan” Ibragimovichni ijaraga olmoqchi bo‘lgani haqida xabarlar tarqalgan edi, ammo keyinchalik italiyaliklar futbolchi bilan kelisha olmadi.
Eslatib o‘tamiz, Zlatan Ibragimovich joriy mavsumda 27 ta uchrashuvda maydonga tushib, 22 ta golga mualliflik qildi va 6 ta golli uzatma berdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)