Швециялик футболчи Златан Ибрагимович фаолиятини АҚШда давом эттиради. 37 ёшли ҳужумчи «Лос-Анжелес Гэлакси» клуби билан янги шартнома имзолади. Бу ҳақда жамоанинг расмий сайтида хабар берилди.
Ибрагимович MLS клуби билан икки йилга шартнома имзолаганди, лекин у юқори маош оладиган ва шартномаси узайтирилиши керак бўлган уч нафар футболчидан бири ҳисобланарди. Шу боисдан унинг шартномаси қайта кўриб чиқилди.
Аввалроқ «Милан» Ибрагимовични ижарага олмоқчи бўлгани ҳақида хабарлар тарқалган эди, аммо кейинчалик италияликлар футболчи билан келиша олмади.
Эслатиб ўтамиз, Златан Ибрагимович жорий мавсумда 27 та учрашувда майдонга тушиб, 22 та голга муаллифлик қилди ва 6 та голли узатма берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)