Formula-1 ning yetti karra chempioni Mixail Shumaxer to‘shakdan turdi. Bu haqda Daily Mail xabar berdi.
Xabar berilishicha, Shumaxer mustaqil nafas olmoqda. Ayni paytda sportchi o‘z oilasi bilan villasining asosiy qismida yashamoqda. Shu bilan birga, unga doimiy g‘amxo‘rlik va terapiya talab qilinadi. Nashr tomonidan qayd etilishicha, haftalik tibbiy xizmatlar uchun Shumaxer 50 ming funt sterling to‘lamoqda.
Shumaxer 2013-yilda Alp tog‘larida chang‘ida uchish chog‘ida bosh miyasidan olgan jarohatidan so‘ng davolanmoqda. Qulashdan keyin poygachi darhol komaga tushgan. 2014-yildan buyon Shumaxer Jeneva ko‘li bo‘yidagi villasida o‘z sog‘lig‘ini tiklamoqda.
Izoh (0)