“Arsenal” “Barselona” futbolchisi uchun 14 mln funt taklif qildi

Kataloniyaning “Barselona” klubi yarim himoyachisi Denis Suares “Arsenal”ga o‘tishi mumkin, deya xabar beradi The Independent nashri.

“Barselona” rahbariyati 24 yoshli hujumkor yarim himoyachi agenti bilan futbolchi o‘ziga boshqa jamoa izlashi lozimligi to‘g‘risida suhbat o‘tkazgan. Shundan so‘ng “Arsenal” Suaresning agenti bilan bog‘lanib, futbolchi uchun 14 million funt sterling taklif qilgan. Denis Suares “Arsenal” ustozi Unai Emeri bilan “Sevilya”da birga faoliyat olib borgan.

Avvalroq futbolchiga “Chelsi” hamda “Milan” jamoalari qiziqish bildirgani haqida xabarlar tarqalgandi. Ushbu mavsumda o‘yinchi “Barselona” safida 6 ta o‘yinda maydonga tushdi.