Каталониянинг «Барселона» клуби ярим ҳимоячиси Денис Суарес «Арсенал»га ўтиши мумкин, дея хабар беради The Independent нашри.
«Барселона» раҳбарияти 24 ёшли ҳужумкор ярим ҳимоячи агенти билан футболчи ўзига бошқа жамоа излаши лозимлиги тўғрисида суҳбат ўтказган. Шундан сўнг «Арсенал» Суареснинг агенти билан боғланиб, футболчи учун 14 миллион фунт стерлинг таклиф қилган. Денис Суарес «Арсенал» устози Унаи Эмери билан «Севилья»да бирга фаолият олиб борган.
Аввалроқ футболчига «Челси» ҳамда «Милан» жамоалари қизиқиш билдиргани ҳақида хабарлар тарқалганди. Ушбу мавсумда ўйинчи «Барселона» сафида 6 та ўйинда майдонга тушди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)