Qozog‘iston prezidenti Nursulton Nazarboyev Mustaqillik bayrami arafasida Ostonada davlat mukofotlarni topshirish marosimini o‘tkazdi. Bu haqda “Tengrinews” xabar berdi.
Aliya Nazarboyevaga adabiyot va san’at yo‘nalishida davlat mukofoti topshirildi. Ushbu mukofotga u “Anag‘a aparar jol” (“Onaga eltuvchi yo‘l”) to‘liq metrajli filmini yaratilishidagi ishtiroki uchun loyiq deb topildi. Mukofotni topshirar ekan Prezident Aliyani o‘pib qo‘ydi.
Avvalroq, Qozog‘iston prezidenti adabiyot va san’at yo‘nalishida 2018-yilgi mukofotlarni topshirish to‘g‘risida buyruq imzolagandi. Qozog‘iston davlat mukofoti ushbu filmni yaratishda ishtirok etgan ijodiy jamoaga ham topshirildi: film rejissori Akan Satayev, ssenariy muallifi Timur Jaksilikov, aktrisa Altinay Nogerbek, aktor Adil Axmetov.
Oq O‘rdada bo‘lib o‘tgan taqdirlash marosimida Nursulton Nazarboyev bugun barcha idoralarda mukofotlarni topishirish marosimi bo‘layotganini qayd etdi.
Prezidentning so‘zlariga ko‘ra, Mustaqillik bayrami munosabati bilan mamlakatning 1600 nafar fuqarosi taqdirlangan. “Men ularning barchalarini yutuqlari bilan qutlayman” — deydi prezident.
Izoh (0)