Putin: Matematika o‘zimga bo‘lgan bahoni oshirdi

Vladimir Putin Butunrossiya ochiq darsida matematika ustozi sababli o‘ziga bo‘lgan bahosi oshgani haqida so‘zlab berdi. Bu haqda “RIA Novosti” xabar berdi.

Ochiq dars “ProyeKTOriYa” Butunrossiya professional forumi doirasida Yaroslavda bo‘lib o‘tdi va barcha maktablarda to‘g‘ridan to‘g‘ri olib ko‘rsatildi.Prezident sakkizinchi sinfga qadar matematika fani bilan muammolari bo‘lganini qayd etdi.“Meni matematika mutlaqo qiziqtirmasdi, hayot tarzim mutlaqo boshqacha edi. Shunda maktabimizgi yangi o‘qituvchi keldi, maktabdan emas, universitetdan, menimcha, u Piterning matematika institutidan edi. U matematika to‘garagini ochishni taklif qildi. Biz oliy matematika bilan shug‘ullana boshladik”, — deydi prezident.Prezident fakultativlar unga yoqqanligini va u matematikani uddalay olishni boshlaganini aytdi.“Shunda men o‘qituvchimga qarab: “Menga qarang, biz shug‘ullanayotganimiz matematika emas-ku, dedim”. U esa: “Bu aynan matematika”, dedi. Siz maktabda o‘qiyotganlaringiz, — bu arifmetika, bu esa boshqa narsa, abstrakt fikrlashni talab qiladi, sen buning uddasidan chiqyapsan”, — deydi prezident.Prezident yangi o‘qituvchi sababli ushbu fan uning uchun kashfiyot bo‘lganini tan oldi.

“Men hali ham undan minnatdorman, men hatto uning ismini ham eslolmayman. Ammo u mening o‘zimga bo‘lgan ishonchimni oshishi va boshqa sohalarda ham bilimimni ortishi, rivojlanishim, oldinga qadam bosib, muvaffaqiyatlarga erishishimga sabab bo‘ldi”, — deydi u.

O‘quvchilar bilan suhbatlashar ekan prezident istalgan kasb egasi davlat rahbari bo‘lishi mumkinligini aytdi.“Odatda yuridik, yoki iqtisodiy ma’lumotga ega insonlar davlat rahbari bo‘ladi. Ushbu professional bilim va ko‘nikmalar juda zarur va foydali”, — deydi Putin.Biroq u ko‘p mamlakatlar tepasida turli sohalarda ma’lumotga ega odamlar, hatto fiziklar ham borligini ham qayd etdi.Prezident bunday faoliyat turini tanlagan inson o‘zini butun umrini tanlagan ishiga bag‘ishlay olishiga ishonishi kerakligini aytdi.

Putin rivojlanayotgan yo‘nalishlardan uni genetika va sun’iy intellekt hayratga solishini ta’kidladi. U shuningdek asosiy fanlar sifatida biologiya va informatsion texnologiyalarni ko‘radi.“Biologiya — bu juda keng tushuncha, u yerda yo‘nalishlar ko‘p. Akademik Tammning aytishicha, XXI asr biologiya asri, huddi XX asr fizika asri bo‘lgani kabi.