Dunyoning eng go‘zal buvisi nomini olgan Jaklin Berrido Pisano ko‘rinishidan uning yoshi 30—35, bundan ko‘p yosh berishning imkoni yo‘q, ammo aslida uning yoshi 50 da, deya hikoya qiladi “AdMe”.
https://www.instagram.com/p/Bmkww0WB_Sx/
Uning to‘ng‘ich qizi 30 yosh, ikki nevarasi bor. Bundan tashqari shaxsiy biznesi va o‘zining go‘zalligi sirlari bilan bo‘lishadigan Instagram’da 500 ming nafar obunachilari bor.
Jaklinning taqdiri barchani larzaga soladi, sababi uning blogi faqat moda, uslub va go‘zallik haqida emas, balki har qanday ona uchun og‘ir bo‘lgan yo‘qotishdan so‘ng ham hayotga bo‘lgan ishtiyoqni saqlab qolish haqida.
https://www.instagram.com/p/Bg0jnEphmH_/?utm_source=ig_embed
Jaklin o‘zi kim va u nima uchun blog yurita boshladi
Jaklin Serbiyada kambag‘al oilada tug‘ilgan. Yoshligida Italiyaga oliy ma’lumot olish uchun ko‘chib o‘tgan. Talabalik yillari oson bo‘lmagan — u ba’zi payt ochlikda ofitsiant va repetitor bo‘lib ishlagan va parallel ravishda ikkita fakultetda tahsil olgan. Hozirda Jaklin Italiyada yashaydi, tender o‘tkazadigan kompaniya egasi, besh tilda bemalol gapira oladi.
O‘z blogini u o‘g‘li Stefan sababli ochgan. Yigit Belgradga o‘qish uchun ko‘chib o‘tgan. O‘g‘lining ko‘chib o‘tishidan havotirda bo‘lgan onaga o‘g‘li Instagram’da blog yuritishni taklif qilgan. 2016-yilda 23 yoshida uning o‘g‘li avtomobil halokatida vafot etgan. Ayol o‘g‘lining xotirasiga blogini yuritishda davom etdi va har bir chop etgan narsasi ostiga #rememberstefan (#stefanyodimda)tegini qo‘yadi.
https://www.instagram.com/p/BrC4anYALGb/?utm_source=ig_embed
Sport va to‘g‘ri ovqatlanish haqida
Blog yuritishdan taskin topgan Jaklin o‘zining kuzatuvchilariga go‘zalligi va ideal qomati sirlari haqida yozadi.
Siz alkogol, nosog‘lom ovqatlanish va sport bilan kam shug‘ullanish orqali chiroyli ko‘rinishga ega bo‘lmaysiz. Keskin natijalar keskin mehnatni talab qiladi.
Men 10 yoshimdan buyon sport bilan shug‘ullanaman. Bu huddi tish tozalash kabi hayot tarzimga aylangan. Ammo xushbichim va go‘zal bo‘lish hech qachon kech emas.
Chalg‘imaslik uchun o‘zim bilan sportzalga hech qachon telefon olmayman.
O‘z ratsioni haqida Jaklin shunday deb yozadi:
Men oqsil ko‘p iste’mol qilaman.
Asosan sabzavot, go‘sht, baliq va dengiz mahsulotlaridan iborat organik diyetaga amal qilaman.
Non va shakar iste’mol qilmayman.
Juda ko‘p meva yeb, suv ichaman. Sharbat va albatta kuniga bitta avokado yeyman.
https://www.instagram.com/p/BhZIP7vhByf/?utm_source=ig_embed
Parvarishlash xususida
Quyosh ta’siridan saqlaning. Men ko‘chaga chiqishdan oldin yuqori SPF (SPF 50) li krem surtaman, shu tarzda yuzim va bo‘ynimni quyosh ta’siridan asrayman.
Agar cheksangiz to‘xtang. Kashandalarning terisi tez qariydi.
Uxlashdan oldin har doim yuzingizni pardozdan tozalang.
Yuzingizga tiklovchi kremlar surting. Men bir kun Shiseido Bio-Performance, keyingi kuni kokosli Virgin coconut oil yog‘ini surtaman.
Tanangizga namlantiruvchi kremlar surting, faqat yuz va bo‘yningiz bilan chegaralanmang. Namlantiruvchi kremlar terining tarangligini saqlaydi.
Sifatli kosmetikadan foydalaning. Sifat doim ham qimmat narx degani emas. Tanam uchun men oddiy Nivea kremidan foydalanaman.
Jaklin botoks qo‘llashini yashirmaydi. Botoks haqida yomon gapiradiganlar yomon botoksni nazarda tutadi.
https://www.instagram.com/p/BrFNkAenQ9r/?utm_source=ig_embed
Oilaning ahamiyati va qarilik gashti to‘g‘risida
Jaklin uchun eng asosiysi — oila. Yoshlikni qanday saqlab qolish to‘g‘risidagi savolga u ichki, ma’naviy go‘zalligingiz borasida qayg‘uring, deb javob beradi. Bu sizning yuzingizda ham aks etadi. Bu narsalar o‘zaro bog‘likligiga ishonaman. Men ijobiy energiyaga ishonaman. Yaxshilik hayotimizni boshqarishini bilaman.
Biz ulg‘ayish quvonchini qabul qilishimiz kerak, chunki buning ham o‘z gashti bor. Mening o‘g‘lim Stefan Milyanovich yo‘l-transport hodisasida halok bo‘lganida 23 yoshda edi, u ana shunday baxtni ko‘ra olmagan.
Izoh (0)