Vazirlar Mahkamasi huzuridagi “Oila” ilmiy-amaliy tadqiqot markazi tashabbusi bilan ilk marotaba o‘tkazilgan “Ibratli oila” ko‘rik-tanlovining respublika bosqichida g‘oliblar aniqlandi. Bu haqda “Turon 24” xabar berdi.
Toshkentdagi “O‘zbekiston” mehmonxonasida bo‘lib o‘tgan tanlovning yakuniy respublika bosqichida o‘z hududlarida mutlaq g‘oliblikni qo‘lga kiritgan 14 ta oila ishtirok etdi.
Unda qoraqalpog‘istonlik Aybergenovlar oilasi mutlaq g‘olib bo‘ldi. Navoiy viloyatidan O‘runovlar oilasi ikkinchi o‘rin hamda Farg‘ona viloyatidan Sherg‘oziyevlar oilasi uchinchi o‘ringa munosib deb topildi.
Izoh (0)