O‘zbekistonda elektr energiyasi sohasida mavjud ishlab chiqarish quvvatlarini modernizatsiya qilish va yangilarini ishga tushirish bo‘yicha loyiha qiymati 2,6 milliard AQSh dollari bo‘lgan umumiy quvvati 1984 megavatt bo‘lgan 7 ta investitsiya loyihasini amalga oshirish belgilangan.
Shunga ko‘ra, Toshkent viloyatida ham elektr energiyasi iste’molini hisobga olish va nazorat qilishning avtomatlashtirilgan tizimini joriy etish ishlari boshlab yuborildi.
Jumladan, Angren shahri hududidagi hisob nuqtalariga jami 53 036 ta elektr hisoblagich hamda hisob nuqtlaridan ma’lumotlarni yig‘ish uchun nimstansiya va transformator punktlariga 420 ta konsentratorlar o‘rnatilishi ta’minlanadi. Shu kungacha shaharga 15 600 dona zamonaviy elektr hisoblagichlar yetkazib berildi.
Ma’lumot uchun, Angren shaharda 50 000 ga yaqin aholi iste’molchilari mavjud bo‘lib, shu kungacha 10 000 ga yaqin xonadonga o‘rnatish ishlari amalga oshirildi.
Izoh (0)