Avstraliya milliy statistika boshqarmasi ekspertlari 2008—2017-yillar davomida mamlakatdagi halokatli hodisalar sonini sanab chiqdi hamda insonlar o‘limining turli sabablarini ko‘rsatib berdi. Bu haqda “National Geographic” xabar berdi.
Fauna olamiga qarashli ro‘yxat 11 banddan iborat, ammo nahanglar ushbu ro‘yxatda bor yo‘g‘i to‘rtinchi o‘rinda, ilonlar — beshinchi, timsohlar esa yettinchi o‘rinda. Buni qarangki, insonlarning eng xavfli dushmani ot va sigirlar ekanligi ma’lum bo‘ldi: hisobot davrida ular sababli 77 ta halokatli hodisa yuz bergan.Buning ajablanarli tomoni yo‘q: bunday hodisalar butun dunyoda sodir bo‘ladi, ammo insonlar bu haqda bilmaydi yohud muammo miqyosini pisand qilmaydi.Avstraliyada sutemizuvchilarning 379 turi mavjud, bir yil davomida ular 60 kishining o‘limiga sabab bo‘lgan. Statistik hisobotda ularning aniq ro‘yxati keltirilmagan.
Xavfli Avstraliya faunasi reytingi quyidagicha:• Ot va sigirlar — o‘lim holati 77 ta;• Sut emizuvchilar — 60;• Ari, qovog‘ari va bolarilar — 27;• Nahang va boshqa dengiz hayvonlari — 26;• Ilon va kaltakesaklar — 23;• Itlar — 22;• Timsohlar — 17;• Zaharli bo‘lmagan hasharotlar — 8;• Zaharli bo‘g‘imoyoqlilar — 4;• Kalamushlar — 1;• Zaharli o‘simlik yoki hayvonlar bilan aloqalar, tafsilotlar aniqlanmagan — 1.
Melburn universiteti ma’lumotlariga ko‘ra, 2000—2013-yillarda insonlar 42 ming holatda turli chaqish oqibatida kasalxonaga tushgan, bunda ari, asalari, qovog‘arilar 31 foizdagina sabab bo‘lgan.
Izoh (0)