3-dekabr kuni ushbu qatnovning ilk yo‘lovchilari Toshkentdagi “Janubiy” vokzaldan Xiva tomon barcha qulayliklarga ega poyezdda yo‘lga chiqdi. Bu haqda O‘zA xabar bermoqda.
Prezident 2017-yil yanvar oyida Xorazm viloyatiga tashrifi chog‘ida Urganchdan Xivagacha temir yo‘l va Xiva shahrida zamonaviy vokzal barpo etish, bu yo‘lda elektropoyezdlar, kelgusida yuqori tezlikda harakatlanuvchi “Afrosiyob” tezyurar poyezdi qatnovini yo‘lga qo‘yish lozimligini qayd etgan edi. Qisqa fursatda bu tashabbus amalga oshdi.
Davlat rahbari o‘tgan haftada Xorazm viloyatiga tashrifi chog‘ida “Xiva” temir yo‘l vokzalining yangi binosi va bu yerda yo‘lovchilar uchun yaratilgan sharoitlar bilan tanishgan edi.
Vokzal binosi Xorazm me’morchiligi namunalarini o‘zida aks ettirib, unda zamonaviy VIP zal, ona va bola, tibbiyot xonalari mavjud. Vokzalda 35 ishchi bir vaqtning o‘zida 200 yo‘lovchiga xizmat ko‘rsatadi. 20 o‘rinli mehmonxona esa kelganlarga qo‘shimcha qulaylik yaratadi.
Izoh (0)