“Davyergeodezkadastr” qo‘mitasi fuqarolarga uy-joylari narxini mustaqil hisoblash imkonini taqdim etdi

O‘zbekiston Respublikasi Konstitutsiyasi qabul qilinganiga 26 yil to‘lishi munosabati bilan “Davyergeodezkadastr” qo‘mitasi aholiga o‘z uy-joylarining bahosini hisoblashni interaktiv usulini taqdim etdi va uni o‘zining rasmiy veb saytiga joylashtirdi. Bu haqda “Davyergeodezkadastr” qo‘mitasi matbuot xizmati “Daryo”ga xabar berdi.

Mazkur xizmat “Ko‘chmas mulk obyektining kadastr qiymati hisoblash” deb nomlanib, undan ko‘zlangan asosiy maqsad, ko‘chmas mulk qiymatini (uy-joylarning bahosi) hisoblashning soddalashtirilgan usulini yaratish va bu orqali shaffoflikni ta’minlashdan iborat.

Interaktiv xizmatdan foydalanishda fuqaro viloyat va aholi punktini belgilashi, ko‘chmas mulk obyektining turi (ko‘p qavatli uy-joy yoki dala hovli), qavatlar sonini tanlashi, uy qurilgan material va sanasini belgilashi, shuningdek, yakunda uyning umumiy maydonini kiritishi talab etiladi. Ma’lumotlar kiritib bo‘lingach “Hisoblash” tugmasi bosilgandan keyin ko‘chmas mulk qiymatini (uy-joylarning bahosi) kelib chiqadi.

Mazkur xizmatdan quyidagi havola orqali kirib foydalanish mumkin.