Ўзбекистон Республикаси Конституцияси қабул қилинганига 26 йил тўлиши муносабати билан «Давергеодезкадастр» қўмитаси аҳолига ўз уй-жойларининг баҳосини ҳисоблашни интерактив усулини тақдим этди ва уни ўзининг расмий веб сайтига жойлаштирди. Бу ҳақда «Давергеодезкадастр» қўмитаси матбуот хизмати «Дарё»га хабар берди.
Мазкур хизмат «Кўчмас мулк объектининг кадастр қиймати ҳисоблаш» деб номланиб, ундан кўзланган асосий мақсад, кўчмас мулк қийматини (уй-жойларнинг баҳоси) ҳисоблашнинг соддалаштирилган усулини яратиш ва бу орқали шаффофликни таъминлашдан иборат.
Интерактив хизматдан фойдаланишда фуқаро вилоят ва аҳоли пунктини белгилаши, кўчмас мулк объектининг тури (кўп қаватли уй-жой ёки дала ҳовли), қаватлар сонини танлаши, уй қурилган материал ва санасини белгилаши, шунингдек, якунда уйнинг умумий майдонини киритиши талаб этилади. Маълумотлар киритиб бўлингач «Ҳисоблаш» тугмаси босилгандан кейин кўчмас мулк қийматини (уй-жойларнинг баҳоси) келиб чиқади.
Мазкур хизматдан қуйидаги ҳавола орқали кириб фойдаланиш мумкин.
Изоҳ (0)