O‘zbekiston Prezidenti Shavkat Mirziyoyev 2019-yilda rasmiy tashrif bilan Belarusga borishi mumkin. Bu haqda O‘zbekistonning Belarusdagi elchisi Nosirjon Yusupov aytib o‘tdi, deb yozadi “BELTA”.
“Prezidentimiz grafigi yanvarda aniq bo‘lishi mumkin. Ushbu uchrashuv kelasi yilda amalga oshadi. Bu davlatimiz rahbarining Belarusga birinchi rasmiy tashrifi bo‘ladi. Biz juda puxtalik bilan tayyorgarlik ko‘ryapmiz. Belarus tomoni ham bunga tayyorlanmoqda. Hal qilishimiz kerak bo‘lgan masalalar ko‘p”, — dedi elchi nashr muxbirining savoliga javoban.
Diplomat Belarus prezidenti bilan bo‘lib o‘tgan uchrashuvda avvalroq tasdiqlangan ikki tomonlama hamkorlikni rivojlantirish yo‘l xaritasi amalga oshirilishining borishi muhokama qilinganini aytdi. U ijobiy natijalar allaqachon kuzatilayotganini ta’kidladi.
Izoh (0)