Davlat banklarining ko‘pligi bank tizimi rivojiga to‘sqinlik qiladi

Bank tizimida davlat banklarining hukmronligi tizim rivojiga to‘sqinlik qiladi, deya xabar beradi Spot.

Bu haqda Toshkent shahrida 2019—2021-yillar uchun mo‘ljallangan Yo‘l xaritasining asosiy yo‘nalishlari muhokamasiga bag‘ishlangan taqdimotda Markaziy bankning “Samarali pul-kredit siyosati va kuchli bank tizimi: makroiqtisodiy barqarorlikni ta’minlashda muhim omillar” ma’ruzasida aytildi.

Ushbu hukmrolik bank sektorida raqobat yuzaga kelishiga to‘sqinlik qiladi, pul-kredit siyosatining uzatish mexanizmini susaytiradi hamda yirik banklarning an’anaviy bank funksiyalarini amalga oshirishiga to‘sqinlik qiladi.

Ma’ruzada hukumat ham, Markaziy bank ham ushbu muammolardan xabardorligi hamda ularning yechimi qayd etildi:

Imtiyozli kreditlarni bozor sharoitiga o‘tkazish;

Bank sektorida davlat ulushini qisqartirish;

Alohida taraqqiyot bankini tashkil qilish.

Asosiy maqsad moliyaviy bozorlarni rivojlantirish, sababi davlat korxonalarini xususiylashtirishda ular muqobil moliyalashtirish manbalariga ehtiyoj sezadi.

Bundan tashqari, banklarga ham yangi qo‘shimcha mablag‘larni jalb qilish uchun yangi bozor kerak bo‘ladi.

Markaziy bank moliya bozorini rivojlantirishda davlat obligatsiyalari singari etalon vosita kerak deb hisoblaydi.