Давлат банкларининг кўплиги банк тизими ривожига тўсқинлик қилади

Банк тизимида давлат банкларининг ҳукмронлиги тизим ривожига тўсқинлик қилади, дея хабар беради Spot.

Бу ҳақда Тошкент шаҳрида 2019—2021 йиллар учун мўлжалланган Йўл харитасининг асосий йўналишлари муҳокамасига бағишланган тақдимотда Марказий банкнинг «Самарали пул-кредит сиёсати ва кучли банк тизими: макроиқтисодий барқарорликни таъминлашда муҳим омиллар» маърузасида айтилди.

Ушбу ҳукмролик банк секторида рақобат юзага келишига тўсқинлик қилади, пул-кредит сиёсатининг узатиш механизмини сусайтиради ҳамда йирик банкларнинг анъанавий банк функцияларини амалга оширишига тўсқинлик қилади.

Маърузада ҳукумат ҳам, Марказий банк ҳам ушбу муаммолардан хабардорлиги ҳамда уларнинг ечими қайд этилди:

Имтиёзли кредитларни бозор шароитига ўтказиш;

Банк секторида давлат улушини қисқартириш;

Алоҳида тараққиёт банкини ташкил қилиш.

Асосий мақсад молиявий бозорларни ривожлантириш, сабаби давлат корхоналарини хусусийлаштиришда улар муқобил молиялаштириш манбаларига эҳтиёж сезади.

Бундан ташқари, банкларга ҳам янги қўшимча маблағларни жалб қилиш учун янги бозор керак бўлади.

Марказий банк молия бозорини ривожлантиришда давлат облигациялари сингари эталон восита керак деб ҳисоблайди.