AQSh Pokiston harbiy aviatsiyasiga 12 ta AH-1Z Viper jangovar vertolyotlarni yetkazishni muzlatib qo‘ydi. Bu haqda “TASS” xabar berdi.
“Mazkur shartnomani bajarish 12 ta AH-1Z Viper vertolyotiga uzoq vaqtga to‘xtatildi. Ushbu modeldagi vertolyotlar bir balki ikki yil muddat yetkazilmaydi, shu sababli qisqa davrda qurolli kuchlarni modernizatsiya qilishda ularni hisobga olmaymiz”, — deyiladi xabarda.Pokiston Mudofaa vazirligi o‘z o‘rnida vertolyot texnikasini xarid qilishda AQShga murojaat qilmaydi.
Pokiston Qurolli kuchlari Amerikada ishlab chiqarilgan harbiy va qurolli texnikalarni hisobdan chiqarish bo‘yicha jarayonni faollashtiradi, ushbu qaror Amerikadan ehtiyot qismlarni olish jarayonida yuzaga kelgan murakkabliklar bilan bog‘liq.Ayni damda tog‘li hududlarda qiyin qo‘llaniladigan 30 ta jangovor vertolyotlarni hisobdan chiqarishga dastlabki tayyorgarlik ishlari boshlandi.
Shu bilan birga Amerikaning ayrim namunadagi qurolli va harbiy texnikalari yaqin orada hisobdan chiqarilmaydi.
Pokiston harbiy havo kuchlarida 70 ta F-16 Fighting Falcon turdagi qiruvchilari qoladi hamda modernizatsiya qilinib asosiy tarkibda qo‘llaniladi.Avvalroq, Amerika OAVlari Vashington tomonidan Pokistonga 12 ta AH-1Z Viper vertolyotlari yetkazilmasligini ma’lum qilgandi, buning sababi Islomoboddagi terrorizm bilan yetarli darajadagi kurash yo‘qligi bilan bog‘liq.
Izoh (0)