Samarqand Veterinariya tibbiyot instituti assistenti Nodir Anvarov Hindistonning Haydarobod shahridagi Qishloq hududlarini rivojlantirish milliy institutiga qilgan safari taasurotlarini “Daryo” bilan o‘rtoqlashdi.
2018-yilning 22-oktabr—18-noyabr kunlari Hindiston Respublikisining Haydarobod shahridagi Qishloq hududlarini rivojlantirish milliy institutida ITEC dasturining “Qishloq taraqqiyot dasturlarini boshqarishda samarali boshqaruv” mavzusida seminar trening bo‘lib o‘tdi.
Unda dunyoning 19 ta davlatdan tashrif buyurgan ishtirokchilar “Qishloq taraqqiyot dasturlarini boshqarishda yaxshi boshqaruv” mavzusida o‘z davlati haqida taqdimot qildi.
Treningda qishloqlarni rivojlantirish, barqaror rivojlanish maqsadlari, suv, o‘rim-yig‘im texnologiyalari, ijtimoiy mas’uliyat vositalari kabi boshqa mavzular yuzasidan hududlardagi holatlar o‘rganildi.
Tadbir ishtirokchilar uchun shinam yotoqxona, sport inshootlari, kutubxona, poliklinika, dam olish xiyobonlari, kichik turdagi mayda ishlab chiqarishlar, malakaviy amaliyot maydonlari, oshxona, Wi-Fi kabi imkoniyatlar hamda transport xizmatlari taklif etildi.
Seminar so‘ngida ishtirokchilarga sertifikat va esdalik sovg‘alari topshirildi hamda bir qator masalalar yuzasidan hamkorlik aloqalarini mustahkamlashga kelishib olindi.
Izoh (0)