Respublikachi senator Tom Kotton va Respublikachilar partiyasidan Vakillar palatasi a’zosi Liz Cheyni Rossiyaning yadroviy tajovuzini to‘xtatishga qaratilgan Aktni taqdim etdi, deb yozadi “Kommersant”. Uning maqsadi — Rossiyaning yadroviy salohiyati kuchaytirilishini cheklash.
“Vladimir Putin yadroviy arsenalini kuchaytirishda davom etgan holda O‘rta va kichik masofali raketalarni yo‘q qilish haqidagi shartnoma kabi kelishuvlarga nisbatan nohalol siyosat olib bormoqda. Rossiyaning yadroviy qurol-yarog‘lari mavjud SNV-3 shartnomasi bilan tutib turila olmaydi”, — dedi Kotton.
“AQSh muddati 2021-yilda tugaydigan SNV-3 ni, hujjatga kiritiladigan jiddiy o‘zgartirishlarsiz uzaytirmasligi kerak… Taqdim etilgan akt SNV-3 ni Rossiya yadroviy zaxiralarni qsiqartirishga rozi bo‘lgani haqidagi dalillarsiz uzaytirishga imkon bermaydi”, — dedi Cheyni.
Izoh (0)