Республикачи сенатор Том Коттон ва Республикачилар партиясидан Вакиллар палатаси аъзоси Лиз Чейни Россиянинг ядровий тажовузини тўхтатишга қаратилган Актни тақдим этди, деб ёзади «Коммерсантъ». Унинг мақсади — Россиянинг ядровий салоҳияти кучайтирилишини чеклаш.
«Владимир Путин ядровий арсеналини кучайтиришда давом этган ҳолда Ўрта ва кичик масофали ракеталарни йўқ қилиш ҳақидаги шартнома каби келишувларга нисбатан ноҳалол сиёсат олиб бормоқда. Россиянинг ядровий қурол-яроғлари мавжуд СНВ-3 шартномаси билан тутиб турила олмайди», — деди Коттон.
«АҚШ муддати 2021 йилда тугайдиган СНВ-3 ни, ҳужжатга киритиладиган жиддий ўзгартиришларсиз узайтирмаслиги керак… Тақдим этилган акт СНВ-3 ни Россия ядровий захираларни қсиқартиришга рози бўлгани ҳақидаги далилларсиз узайтиришга имкон бермайди», — деди Чейни.
Изоҳ (0)