Qozog‘iston Prezidenti Nursulton Nazarboyev yirik mamlakatlar o‘rtasidagi munosabatlarning zo‘rayishi sababli u va uning hukumati juda ham kuchli xatar rejimida ishlayotganligini tan oldi, deya xabar berdi “Tengrinews”.
“Butun dunyoda hozir ahvol juda og‘ir. Barcha asosiy davlatlar, derjavalar umumiy til topisha olmayapti. Insoniyat haqida qayg‘urishi kerak bo‘lgan davlatlar. Masalan, faqat AQSh va Rossiyada 15 mingta yadroviy kallaklar to‘plangan. Ular bir necha marotaba insoniyatni yo‘q qilishga yetadi. Bir necha marotaba. Ana shunday dunyo davlatlarining umumiy til topisholmayotganligi barchamiz uchun havotirli”, — deydi Nazarboyev, VIII Fuqarolik forumida ishtirok etar ekan.
U Xitoy va AQShning savdo urushi, sanksiya qarorlari Qozog‘istonga ham ta’sir o‘tkazishi mumkinligini ma’lum qildi.
“Shu sababli men ham, mening hukumatim ham bularga qarshi turish uchun juda xatarli trevoga rejimida ishlayapmiz. Agar bizga biror narsa ta’sir ko‘rsatsa, biz buni qanday uddalaymiz? Shu sababli hozir birdamlik, o‘zaro totuvlik, vatanparvarlik, Vatanga bo‘lgan yuqori darajadagi javobgarlik hisi juda zarur”, — deya forum ishtirokchilariga murojaat qildi Nazarboyev.
Nazarboyev Astanani Rossiya, AQSh, Xitoy va YeIga muzokaralar uchun taklif qildi.
Izoh (0)