27-noyabr kuni Rossiya prezidenti Vladimir Putinning qo‘lidan III darajali “Vatan oldidagi xizmatlari uchun” ordenini qabul qilib olgach, milliarder Alisher Usmonov Rossiya prezidentiga butun O‘zbekiston nomidan minnatdorlik bildirdi, deb yozadi “Podrobno.uz”.
“Bugun bizni shunchalik yuqori baholagani uchun prezidentga o‘zimning ulkan minnatdorchiligimni nafaqat o‘z nomimdan, balki men rahbarlik qilayotgan Qilichbozlik federatsiyasining barcha sportchilari, kollektivi nomidan bildira olaman, — dedi Alisher Usmonov tadbir mehmonlari qarshisida nutq so‘zlar ekan. — Ikkita katta xolding — “Metalloinvest” va “MegaFon”ning barcha ishchilari nomidan ham. Va, baxtimga, bugungi kunda o‘zimning yurtdoshlarim, o‘zim tug‘ilgan O‘zbekistonning barcha fuqarolari, O‘zbekiston Prezidenti muhtaram janob Mirziyoyevdan tortib, oddiy fuqarogacha bo‘lgan kishilar nomidan do‘stona qo‘llab-quvvatlaganingiz uchun katta rahmat aytish imkoniyatiga egaman”.
Eslatib o‘tamiz, milliarder III darajali, uning turmush o‘rtog‘i, badiiy gimnastika bo‘yicha Rossiya terma jamoasi bosh murabbiyi Irina Viner esa II darajali “Vatan oldidagi xizmatlari uchun” ordeni bilan taqdirlandi.
Izoh (0)