27 ноябрь куни Россия президенти Владимир Путиннинг қўлидан III даражали «Ватан олдидаги хизматлари учун» орденини қабул қилиб олгач, миллиардер Алишер Усмонов Россия президентига бутун Ўзбекистон номидан миннатдорлик билдирди, деб ёзади «Podrobno.uz».
«Бугун бизни шунчалик юқори баҳолагани учун президентга ўзимнинг улкан миннатдорчилигимни нафақат ўз номимдан, балки мен раҳбарлик қилаётган Қиличбозлик федерациясининг барча спортчилари, коллективи номидан билдира оламан, — деди Алишер Усмонов тадбир меҳмонлари қаршисида нутқ сўзлар экан. — Иккита катта холдинг — «Металлоинвест» ва «МегаФон»нинг барча ишчилари номидан ҳам. Ва, бахтимга, бугунги кунда ўзимнинг юртдошларим, ўзим туғилган Ўзбекистоннинг барча фуқаролари, Ўзбекистон Президенти муҳтарам жаноб Мирзиёевдан тортиб, оддий фуқарогача бўлган кишилар номидан дўстона қўллаб-қувватлаганингиз учун катта раҳмат айтиш имкониятига эгаман».
Эслатиб ўтамиз, миллиардер III даражали, унинг турмуш ўртоғи, бадиий гимнастика бўйича Россия терма жамоаси бош мураббийи Ирина Винер эса II даражали «Ватан олдидаги хизматлари учун» ордени билан тақдирланди.
Изоҳ (0)