Kazbekov Jusipbek Sidikbekovich Qoraqalpog‘iston Respublikasi Vazirlar Kengashi raisining Ekologiya va Orolbo‘yi hududlarini rivojlantirish masalalari bo‘yicha o‘rinbosari lavozimiga tayinlandi. Bu haqda O‘zA xabar bermoqda.
Kazbekov Jusipbek Sidikbekovich 1973-yil 15-aprel sanasida Nukus shahrida tavallud topgan.
1995-yilda Toshkent irrigatsiya va qishloq xo‘jaligini mexanizatsiyalash muhandislari institutini hamda 2011-yilda Kolorado shtati universitetini (magistratura, AQSh) tamomlagan. Ma’lumoti bo‘yicha mutaxassisligi muhandis-gidrotexnik, suv resurslarini boshqarish.
Jusipbek Kazbekov 2015-yildan bugungi kungucha Markaziy Osiyo mintaqaviy ekologik markazi xalqaro nodavlat notijorat tashkilotining O‘zbekistondagi filiali suv dasturlari bo‘yicha koordinatori lavozimida faoliyat yuritib keldi.
Eslatib o‘tamiz, mazkur lavozim Prezidentning 2018-yil 15—16-noyabr kunlari Qoraqalpog‘istonga tashrifi davomidagi topshiriqlariga binoan joriy qilinmoqda.
Izoh (0)