Казбеков Жусипбек Сидикбекович Қорақалпоғистон Республикаси Вазирлар Кенгаши раисининг Экология ва Оролбўйи ҳудудларини ривожлантириш масалалари бўйича ўринбосари лавозимига тайинланди. Бу ҳақда ЎзА хабар бермоқда.
Казбеков Жусипбек Сидикбекович 1973 йил 15 апрель санасида Нукус шаҳрида таваллуд топган.
1995 йилда Тошкент ирригация ва қишлоқ хўжалигини механизациялаш муҳандислари институтини ҳамда 2011 йилда Колорадо штати университетини (магистратура, АҚШ) тамомлаган. Маълумоти бўйича мутахассислиги муҳандис-гидротехник, сув ресурсларини бошқариш.
Жусипбек Казбеков 2015 йилдан бугунги кунгуча Марказий Осиё минтақавий экологик маркази халқаро нодавлат нотижорат ташкилотининг Ўзбекистондаги филиали сув дастурлари бўйича координатори лавозимида фаолият юритиб келди.
Эслатиб ўтамиз, мазкур лавозим Президентнинг 2018 йил 15—16 ноябрь кунлари Қорақалпоғистонга ташрифи давомидаги топшириқларига биноан жорий қилинмоқда.
Изоҳ (0)