Surxondaryo viloyati sayyohlik sohasida ulkan salohiyatga ega. 504 ta moddiy madaniy meros obyekti ro‘yxatga olinganligi, joriy yilning o‘tgan davrida 23 mingdan ziyod xorijlik va 46 mingga yaqin mahalliy sayyoh tashrif buyurganining o‘ziyoq uning sayyohlik yo‘nalishidagi jozibadorligi oshib borayotganidan dalolat beradi.
Shu kunlarda tarixiy arxeologik obidalar bilan tanishish maqsadida viloyatda mehmon bo‘lib turgan Tailandning “CTI Group” kompaniyasi ijrochi direktori, O‘zbekiston Respublikasining Tailand qirolligidagi faxriy elchisi ishonchli vakili Priyet Bubkaram bilan viloyat hokimligida o‘tkazilgan muloqotda tailandlik sayyohlarini ham viloyatga jalb etish borasida ikki tomonlama hamkorlikni rivojlantirish, tadbirkorlik subyektlari o‘rtasida o‘zaro manfaatli aloqalarni o‘rnatish, sayyohlik biznesiga sarmoya kiritish masalalari muhokama etildi.
Priyet Bubkaramning ta’kidlashicha, Tailand aholisining buddizm davriga tegishli ko‘plab yodgorliklar bo‘lgan Surxondaryoga qiziqishi juda yuqori. Ayniqsa, Termizdagi birinchi asrga taalluqli bo‘lgan Fayoztepadagi buddizm ibodatxonasi, uchinchi asrga oid Kampirtepa qal’asi, Zurmala minoralari va boshqa budda madaniyati yodgorliklariga tailandlik sayyohlarning e’tibori o‘zgacha.
Reklama huquqi asosida
Izoh (0)