Сурхондарё вилояти сайёҳлик соҳасида улкан салоҳиятга эга. 504 та моддий маданий мерос объекти рўйхатга олинганлиги, жорий йилнинг ўтган даврида 23 мингдан зиёд хорижлик ва 46 мингга яқин маҳаллий сайёҳ ташриф буюрганининг ўзиёқ унинг сайёҳлик йўналишидаги жозибадорлиги ошиб бораётганидан далолат беради.
Шу кунларда тарихий археологик обидалар билан танишиш мақсадида вилоятда меҳмон бўлиб турган Таиланднинг «CTI Group» компанияси ижрочи директори, Ўзбекистон Республикасининг Таиланд қироллигидаги фахрий элчиси ишончли вакили Приет Бубкарам билан вилоят ҳокимлигида ўтказилган мулоқотда таиландлик сайёҳларини ҳам вилоятга жалб этиш борасида икки томонлама ҳамкорликни ривожлантириш, тадбиркорлик субъектлари ўртасида ўзаро манфаатли алоқаларни ўрнатиш, сайёҳлик бизнесига сармоя киритиш масалалари муҳокама этилди.
Приет Бубкарамнинг таъкидлашича, Таиланд аҳолисининг буддизм даврига тегишли кўплаб ёдгорликлар бўлган Сурхондарёга қизиқиши жуда юқори. Айниқса, Термиздаги биринчи асрга тааллуқли бўлган Фаёзтепадаги буддизм ибодатхонаси, учинчи асрга оид Кампиртепа қалъаси, Зурмала миноралари ва бошқа будда маданияти ёдгорликларига таиландлик сайёҳларнинг эътибори ўзгача.
Реклама ҳуқуқи асосида
Изоҳ (0)