17-noyabr, shanba kuni Birlashgan Arab Amirliklarida Dubai Cup musobaqasi doirasida futbol bo‘yicha O‘zbekiston olimpiya terma jamoasi mezbon BAA olimpiyachilariga qarshi bahs olib bordi.
Uchrashuvda Ravshan Haydarov boshchiligidagi O‘zbekiston termasi 2:0 hisobida g‘alaba qozondi. Gollarga Sanjar Qodirqulov hamda Islom Qobilov mualliflik qildi.
Eslatib o‘tamiz, musobaqaning dastlabki o‘yinida O‘zbekiston olimpiyachilari Yaponiyaga qarshi maydonga tushib, 2:2 hisobida durang o‘ynagandi. Dubai Cup’ning so‘nggi o‘yinida o‘zbekistonlik futbolchilar 20-noyabr kuni Kuvayt termasiga qarshi bahs olib boradi.
Dubai Cup
17-noyabr, shanba
BAA—O‘zbekiston 0:2
Gollar: 0:1 — 75 Qodirqulov, 0:2 — 80, penalti Qobilov.BAA: Muhammad Ali Shokir, Abdulla Jassim Ali, Ali Solih Ali Amro, Abdullo Baxi, Issa Muhammad, Xalfar Hasan, Abdulrahmon Al Amriy, Xolid Muhammad, Majid Rashid, Ahmad Amr, Xolid Abdulla Muborak.
O‘zbekiston: Umidjon Ergashev, Hojiakbar Alijonov, Islomjon Qobilov, Husniddin G‘ofurov, Azizbek Omonov, Davron Umirov, Islom Kenjaboyev, Islom Rashidxonov, Mirjahon Mirahmadov, Sherzod Nasrullayev, Sharof Muhiddinov.
Izoh (0)