Italiyadagi Flegrey maydoni ostida juda kata miqdorda magma yig‘ilgan bo‘lib, u halokatli otilishni keltirib chiqarishi mumkin. Bu haqda vulqonshunoslarning xalqaro guruhi ma’lum qildi, deb yozmoqda “RIA Novosti”.
Flegrey maydoni Neapolidan shimoli-g‘arbda joylashgan vulqonli hudud hisoblanadi. Taxminan 40 ming yil avval bu yerda megaotilish yuz bergan va vuqon qishini yuzaga keltirgan hamda neandertallarning qirilib ketishiga sabab bo‘lgan bo‘lishi mumkin. So‘nggi otilish 1538-yilda yuz bergan.
Olimlar bu hududdagi jinslar va minerallar namunalari tahlil qilgan. Ayni paytda po‘choqning yuqori qismida yana magma yig‘ila boshlagan. Bu esa yirik otilishga olib keluvchi bosim oshishining yuz berayotganini bildiradi. Otilishning aynan qachon yuz berishini aytish qiyin hisoblanadi.
Izoh (0)