Saudiyalik jurnalist Jamol Qoshiqchi maxsus inyeksiya yordamida o‘ldirilgan, uning tanasi bo‘laklarga bo‘lingan mamlakatning Istanbuldagi konsulligidan chiqarib ketilgan. Bu haqda Saudiya Arabistoni bosh prokurori ma’lum qildi, deb yozmoqda “RIA Novosti”.
Bosh prokurorning so‘zlariga ko‘ra, Saudiya Arabistonining Istanbuldagi konsulligiga yetib kelgan guruh rahbari operatsiya muvaffaqiyatsizlikka uchragan taqdirda Qoshiqchini yo‘q qilishga buyruq bergan. Operatsiyaning maqsadi jurnalistni qirollikka qaytarish bo‘lgan.
Bosh prokurorning qayd etishicha, jurnalistning izidan kelgan qirollikning fuqarolari uni vatanga qaytarishga ko‘ndira olmagan. Qoshiqchiga giyohvand moddaning katta dozasi yuborilgan va bu uning o‘limiga sabab bo‘lgan.
Qoshiqchining tanasi qotillikdan keyin qismlarga bo‘lingan va konsullikdan tashqariga olib chiqib ketilgan. Bosh prokurorning so‘zlariga ko‘ra, jasad “mahalliy sherik”ka berilgan. Uning fotoroboti yaratilgan va u Turkiya tomoniga jo‘natiladi.
Nazorat idorasi rahbarining ma’lum qilishicha, qirollik fuqarolari kirgan guruh Saudiya Arabistoni umumiy razvedka xizmatining sobiq rahbari Ahmad al-Asiriyning topshirig‘iga binoan tuzilgan.
Izoh (0)