Tojikistonlik o‘zbek ayoli So‘g‘d viloyatining chekka qishlog‘ida o‘nlab ish o‘rni yaratdi (video)

Tojikistonning So‘g‘d viloyatida besh yildan beri adras, atlas va  kigiz ishlab chiqarishga ixtisoslashtirilgan kichik korxona faoliyat yuritadi. Bu haqda Asia-Plus xabar berdi.

Ushbu korxona asoschisi o‘zbek millatiga mansub ayol Gulsun G‘afforovadir, deyiladi xabarda.

Ushbu korxona joylashgan Yangiobod qishlog‘i viloyatning eng chekka hududlaridan biri. Gulsun G‘afforova boshqalarga o‘xshab biznesini rivojlantirish uchun poytaxtga emas, ish joylariga eng ko‘p ehtiyoj sezadigan hududga intildi, deyiladi xabarda.

Ushbu hududda yashovchi ayollar yillar davomida munosib haq to‘lanadigan ish topa olmasdi.

Gulsun G‘afforova tufayli endi o‘nlab ayollar munosib mehnat sharoitiga ega bo‘ldi.