Singapurlik milliarder Piter Limning merosxo‘ri, 27 yoshli Kim Lim Mo‘g‘ulistonga tashrif buyurgach, bu yerdagi boshpanasiz odamlarga yordam berishga qaror qildi, deb yozadi Tengrinews. U ehtiyojmandlarga o‘tovlar hadya qildi.
Singapurning The New Paper gazetasiga bergan intervyusida biznesmenning qizi Mo‘g‘ulistondagi uysizlar haqida hujjatli film ko‘rganidan keyin, unda yordam berish istagi paydo bo‘lganini aytdi. Qizning so‘zlariga ko‘ra, u ona sifatida ayniqsa qashshoq tumanlarda yashovchi bolalarga g‘amxo‘rlik qilish muhimligini tushunadi.
“Ona bo‘lgach, bolalar barcha narsada bizga qaram ekanligini va ular uchun bolalikning yaxshi o‘tishi juda muhim ekanligini angladim”, — dedi u.
Piter Lim biznes-magnat va filantrop bo‘lib, 2016-yilda Singapurning eng boy odamlari reytingida 11-o‘rinni egallagan, uning davlati 2,4 milliard dollarga baholanmoqda.
Izoh (0)