Rossiyaning Vladivostok shahrida bir necha kishi piyodalar uchun yopiq bo‘lgan Oltin ko‘prikni transport vositasi “niqobi ostida” kesib o‘tmoqchi bo‘ldi, deb yozadi Meduza.
Hodisa aks etgan videoda bir necha kishidan iborat yoshlar avtobusga o‘xshatib yasalgan sariq qutini kiyib olib, ko‘prik chekkasidan yurayotganini ko‘rish mumkin. Biroz vaqtdan keyin ularga qo‘riqchi yaqinlashib, “transport vositasi”ni avtomobil yo‘lidan quvib yubordi. Shundan so‘ng “avtobus” ortiga burilib, qo‘riqchi kuzatuvi ostida orqaga qarab yo‘l oldi.
Oltin ko‘prik 2012-yilda ochilgan, 2015-yildan unda piyodalarning yurishi taqiqlangan, bu esa piyodalar harakati ko‘prik loyihasida ko‘zda tutilmagani bilan izohlanadi.
https://youtube.com/watch?v=YuHHtafoVqI
Izoh (0)