Tojikistom maxsus xizmatlari Rossiya harbiy bazasida va rus maktabida teraktlar tayyorlashda gumon qilinayotgan 12 kishilik guruhni qo‘lga oldi, deb yozadi “RIA Novosti” mamlakat milliy xavfsizlik davlat qo‘mitasiga tayanib.
Guruh IShID tashkiloti topshirig‘i bilan 201-Rossiya harbiy bazasida va Dushanbedagi Rossiya mudofaa vazirligi maktabida terakt uyushtirmoqchi bo‘lgan.
Terrorchilar Dushanbe janubi-g‘arbidagi xonadonda ushlangan. Mamlakat hukumati ushbu axborotni rasman tasdiqlaganicha yo‘q.
Ammo Tojikistondagi Rossiya harbiy bazasida ushbu ma’lumotdan keyin xizmat o‘tashning kuchaytirilgan rejimiga o‘tilgani aytilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.