9-noyabr kuni Melburnda terakt yuz berdi: 30 yoshli Hasan Xalif Shir Ali ichida gaz ballonlari bo‘lgan avtomobilda savdo markaziga borib urildi. Shundan keyin jinoyatchi mashinadan pichoq bilan tushib, o‘tkinchilarga hujum qildi, ammo uni politsiyachilar otib tashladi. IShID o‘z bo‘yniga olgan hujum chog‘ida bir kishi halok bo‘ldi, deb yozadi TJournal.
Ko‘p o‘tmay, ijtimoiy tarmoqlarda hujum aks etgan videolar tarqaldi. Ularda ikki politsiyachi Hasan Xalifni zararsizlantirishga urinayotganini ko‘rish mumkin. Ularga esa bir o‘tkinchi do‘kon aravachasi bilan yordam bergan: u aravacha yordamida jinoyatchini yiqitishga uringan.
Yordamchi 46 yoshli boshpanasiz Maykl Rojers bo‘lib chiqdi. Mahalliy telekanalga ma’lum qilishicha, uning politsiyaga yordam berish istagi g‘ayriixtiyoriy bo‘lgan, aravachani esa tasodifan topib olgan. O‘z xatti-harakatini Rojers “hayotidagi birinchi to‘g‘ri ish” deb atadi.
Rojers ijtimoiy tarmoqlarda milliy qahramonga aylanib ketdi, foydalanuvchilar unga “aravali odam” (Trolley man) deb nom berdi.
10-noyabr kuni Melbourne Homeless Collective Maykl Rojersga mablag‘ yig‘ish bo‘yicha kraudfanding kampaniyasini boshladi. Foydalanuvchilar 130 ming Avstraliya dollaridan ortiq pul (100 ming AQSh dollari) to‘plab berdi.
https://twitter.com/fayfayang/status/1060774230659223552
Izoh (0)