Qozog‘istonlik Asem Yesengeldiyeva Miss Asia Global Kazakhstan tanlovida g‘olib bo‘lgach, uning xalqaro bosqichida qatnashdi va Miss Asia Global unvonini qo‘lga kiritdi, deb yozadi “Nur.kz”.
Tanlov 2—10-noyabr kunlari Hindistonning Kochin shahrida bo‘lib o‘tdi. Miss Asia tojini qo‘lga kiritish uchun 25 mamlakatdan qizlar kelib kurashdi.
Bundan tashqari, Asem tanlovda “Eng chiroyli soch” alohida yo‘nalishida g‘olib bo‘ldi.
Qiz tanlovda berilgan mukofot pulining ma’lum qismini shoshilinch operatsiyaga ehtiyojmand bo‘lgan mahalliy bolalarga berishga qaror qildi.
Ta’kidlanishicha, Asem Qozog‘iston xalqaro aloqalar va jahon tillari universitetining uchinchi bosqichida tahsil olish bilan birga, “Velada” agentligi modeli hamdir.
https://youtu.be/Fq25N3jpdO0
https://youtu.be/xBHDf6hy7XY
Izoh (0)