O‘zbekiston Xotin-qizlar qo‘mitasi, UN Uzbekistan hamda UN Population Fund Uzbekistan noan’anaviy ayollar kasblarining rang-barangligini aks ettirish uchun fototanlov e’lon qildi. Bu haqda BMTning aholishunoslik jamg‘armasi matbuot xizmati “Daryo”ga xabar berdi.
#FacesOfDiversity suratlar tanlovi har yili o‘tkaziladigan “Ayollarga nisbatan zo‘ravonlikka qarshi faol harakatlar 16 kunligi” kampaniyasini qo‘llab-quvvatlash maqsadida o‘tkaziladi.
Tanlovda havaskordan tortib professional fotograflargacha istalgan ishtirokchilar teng asosda ishtirok etishi mumkin.
Tanlovning maqsadi – O‘zbekistonda faoliyat yuritadigan ayollarning kasblarini keng qirrali ekanligini namoyon etishdan iborat.
Tanlov o‘tkazilish muddati: 5—20-noyabr.
Ijtimoiy tarmoq foydalanuvchilarining eng ko‘p layklarini yiqqan uch nafar g‘olib sertifikat hamda quyidagi sovg‘alarga ega bo‘ladi:
1-o‘rin – Planshet
2-o‘rin – Telefon
3-o‘rin – Qattiq disk
*Tashkilotchilar tomonidan tanlangan qolgan ishtirokchilarga sertifikat, bloknot, ruchkalar, fleshka va boshqa esdalik sovg‘alar topshiriladi.
#FacesofDiversity tanlovida qanday ishtirok etish mumkin?
1. Tanlov mavzusiga doir O‘zbekistonda ayollarning kasblari rang-barangligini aks ettirgan suratni olish.2. Suratni o‘zingizning Instagram, Facebook yoki Twitter ijtimoiy tarmoqlardagi sahifalarga joylashtirishingiz lozim.3. #FacesOfDiversity xeshtegini qo‘yishni unutmang!
4. Tanlov tashkilotchilarining sahifalariga a’zo bo‘lish @womenuz @un_uzbekistan @faces_of_diversity * Instagram’ning tanlov profilida belgilangan vaqtda eng ko‘p layk yiqqan ishtirokchilarning suratlari (suratlar tashkilotchilar tomonidan yuqoridagi xeshteg orqali topiladi hamda @faces_of_diversity sahifasiga joylanadi) g‘olib deb topiladi.
Tanlov natijalari 21 —25-noyabr kunlari sarhisob qilinadi
Izoh (0)