Indoneziyaning Lion Air aviakompaniyasiga tegishli, 29-oktabr kuni halokatga uchragan samolyotning tezlik ko‘rsatkichi so‘nggi to‘rtta parvoz davomida nosoz bo‘lgan, deb yozadi Meduza. Bunday axborot parametrik o‘ziyozar (qora quti)ni rasshifrovka qilish natijasida olindi.
Datchikning nosozligi haqidagi bayonot halokat qurbonlarining qarindoshlari ishtirokida o‘tkazilgan matbuot anjumanida o‘qib eshittirildi. Ular nima uchun nosozlik o‘z vaqtida bartaraf etilmaganiga izoh talab qildi.
Ular bu savolga javob ololmadi. Lion Air asoschisi Rushdi Kirana jimgina o‘rnidan turib, boshini egdi va qo‘llarini qovushtirdi, xolos.
Datchikning nosozligi samolyot halokatiga sababchi bo‘lgan-bo‘lmaganligiga aniqlik kiritilmayapti.
Avvalroq Indoneziyaning Lion Air aviakompaniyasi samolyoti katta tezlikka suvga urilishi oqibatida bo‘laklarga ajralib ketganligi ma’lum qilingan edi.
Indoneziyaning Lion Air aviakompaniyasiga tegishli “Boing” samolyoti 29-oktabr kuni, Jakarta aeroportidan havo ko‘tarilganidan 13 daqiqa o‘tib Yava dengiziga qulagan edi. Samolyot bortida 189 kishi bo‘lgan. Ularning bari halok bo‘lgan.
Izoh (0)