Pentagon AQSh Markaziy qo‘mondonligining Fors ko‘rfaziga “qo‘shimcha harbiy resurslar” joylashtirish haqidagi iltimosini rad etdi, deb yozadi “Kommersant” CNN’ga asoslanib, u esa o‘z navbatida Amerika mudofaa vazirligidagi manbalariga tayanmoqda.
Harbiylar sonini oshirish haqidagi so‘rov Eron istiqbolda Vashington tomonidan kiritilgan sanksiyalarga javoban, AQShga qarshi harbiy operatsiya boshlab qolishi yuzasidan xavotir fonida berilgan.
AQSh Markaziy qo‘mondonligi, shuningdek, yaqin oylarda Fors ko‘rfaziga bitta Amerika avianosetsini yuborishni so‘ragan.
Eslatib o‘tamiz, 5-noyabr kuni AQSh 2015-yilda Barak Obama ma’muriyati tomonidan bekor qilingan Eronga qarshi sanksiyalarni qayta joriy etdi.
Izoh (0)