Microsoft korporatsiyasi asoschisi, milliarder Bill Geyts kelgusida soliq tizimi o‘zgarib, insonlarga ish o‘rnini saqlab qolish imkonini berish maqsadida robotlarga ham soliq solinadi, deb hisoblaydi. Bu haqda “TASS” xabar bermoqda.
“Robotlar insonlarga qaraganda ko‘proq tovar va xizmatlar ishlab chiqarishga yordam berayotgani uchun mehnat insonlar uchun hayotdagi asosiy narsa bo‘lmay qoldi. Agar biz kamroq ishlasak, savol tug‘iladi: Bo‘sh vaqtimizni qanday o‘tkazishimiz kerak? Albatta, men avtomatlashtirish jarayonini sun’iy ravishda sekinlashtirishimiz kerak”, — deydi u.
Bundan tashqari, Geytsning so‘zlariga ko‘ra rivojlanish natijasida insonlarning to‘liq holda ish joylarini tark etishiga erishilmasligi kerak.
“Soliqqa tortishdan asosiy g‘oya shundan iboratki, siz kapital yoki ish kuchidan soliq olishingiz mumkin. Robot esa — capital. Hozir ishchi kuchiga bir qator soliqlar mavjud, masalan, daromad solig‘i. Biroq vaqt o‘tishi bilan biz ishlab chiqarish jarayonida inson omiliga talab kuchli bo‘lishi uchun turli subsidiyalarga ega bo‘lamiz”, — deydi milliarder.
Geytsning fikriga ko‘ra, kelgusida aynan moddiy kapital va boshqa mulklardan, xususan robotlardan olinadigan soliq ham oshishi kerak. Uning izohlashicha, mashinalarni sotib olish va ularning ishtirokida ishlab chiqarishni tashkil etishga hech qanday taqiq bo‘lmaydi.
Izoh (0)