Indoneziyaning Lion Air aviakompaniyasi samolyoti katta tezlikka suvga urilishi oqibatida bo‘laklarga ajralib ketgan. Samolyot qora qutisidan olingan ma’lumotlar shundan darak bermoqda, deb yozadi “Korrespondent.net”.
Suvga tegish chog‘ida Lion Air samolyoti dvigateli katta tezlikda aylangan. Xabarlarga ko‘ra, qora qutidan samolyotning 69 ta parvoz soati haqidagi ma’lumotlar va uning 1,9 mingta parametri o‘rin olgan.
Ammo uchuvchi kabinasiga joylashtiriladigan va ekipaj suhbatlarini yozib oladigan bort o‘ziyozari hali topilganicha yo‘q.
Shuningdek, samolyotning suvga urilib halokatga uchragani haqidagi xulosalar bo‘laklarning qanday holatda joylashganiga qarab ham chiqarilgan. Ular suv yuzasida 250 kv. m maydonda joylashgan. Shu bilan birga, parchalar bir-biridan ko‘pi bilan 500 m radiusda joylashgan. Aniqlik kiritilishicha, samolyot suvga tekkan vaqtida shunday sinadi. Bundan tashqari, havo kemasi portlashi chog‘ida uning bo‘laklari deformatsiyalangan.
Indoneziyaning Lion Air aviakompaniyasiga tegishli “Boing” samolyoti 29-oktabr kuni, Jakarta aeroportidan havo ko‘tarilganidan 13 daqiqa o‘tib Yava dengiziga qulagan edi. Samolyot bortida 189 kishi bo‘lgan. Ularning bari halok bo‘lgan.
Izoh (0)