2017-yil mart oyida Shayxontohur tumanida yashovchi Car Oil MChJ rahbari M.M. Uchtepa tumanida yashovchi boshqa bir korxona rahbari S.A.ga uning nomiga kredit rasmiylashtirishni va ushbu pullarni maqsadli sarflash evaziga katta miqdorda foyda olishni taklif qiladi. Bu haqda IIV jamoatchilik va OAV bilan aloqalar boshqarmasi xabar berdi.
Joriy yil 3-noyabr kuni Toshkent shahar IIBBga tushgan hujjatlarga ko‘ra, M.M. aldov yo‘li bilan Shayxontohur tumanida joylashgan bank filialidan S.A.ning nomiga 2,3 milliard so‘m miqdorda kredit oladi, biroq ushbu pullarni maqsadsiz o‘z ehtiyojlari yo‘lida ishlatib yuboradi.
Holat yuzasidan M.M. qo‘lga olinib, jinoyat ishi qo‘zg‘atilgan. Tergov harakatlari davom etmoqda.
Izoh (0)