2017 йил март ойида Шайхонтоҳур туманида яшовчи Cар Оил МЧЖ раҳбари М.М. Учтепа туманида яшовчи бошқа бир корхона раҳбари С.А.га унинг номига кредит расмийлаштиришни ва ушбу пулларни мақсадли сарфлаш эвазига катта миқдорда фойда олишни таклиф қилади. Бу ҳақда ИИВ жамоатчилик ва ОАВ билан алоқалар бошқармаси хабар берди.
Жорий йил 3 ноябрь куни Тошкент шаҳар ИИББга тушган ҳужжатларга кўра, М.М. алдов йўли билан Шайхонтоҳур туманида жойлашган банк филиалидан С.А.нинг номига 2,3 миллиард сўм миқдорда кредит олади, бироқ ушбу пулларни мақсадсиз ўз эҳтиёжлари йўлида ишлатиб юборади.
Ҳолат юзасидан М.М. қўлга олиниб, жиноят иши қўзғатилган. Тергов ҳаракатлари давом этмоқда.
Изоҳ (0)