Rossiyaning Sankt-Peterburg shahrida “Toshkent kunlari” tadbirining ochilish marosimida Toshkent shahar hokimi o‘rinbosari Elbek Shukurov Toshkentning o‘ziga xos tarixiy madaniyati, boy hunarmandchilik mahsulotlari va poytaxtning bugungi iqtisodiy salohiyati haqida so‘z yuritdi. Bu haqda Toshkent shahar hokimligi matbuot xizmati xabar berdi.
E.Shukurov O‘zbekistonda tadbirkorlikka ko‘rsatilayotgan e’tiborga alohida to‘xtalib, Sankt-Peterburglik ishbilarmonlar bilan hamkorlikni rivojlantirish har ikkala tomon uchun ham birday manfaatli ekanligini ta’kidladi.
Tadbirning birinchi kunida Savdo-sanoat palatasi Toshkent shahar hududiy boshqarmasi va Sankt-Peterburg savdo-sanoat palatasi o‘rtasida hamkorlik kelishuvi imzolandi.
Unga ko‘ra, ikki shahar tadbirkorlari o‘rtasida savdo-iqtisodiy aloqalarni yo‘lga qo‘yish va uni har tomonlama rivojlantirish belgilangan. Shuningdek, kelishuvga asosan, biznes-forum, V2V formatidagi uchrashuvlarni muntazam tashkil etish ko‘zda tutilmoqda.
Shuningdek, tadbirlar doirasida Sankt-Peterburg shahri bilan Toshkent shahar sog‘liqni saqlash boshqarmasi va poytaxt hunarmadlar bo‘limi o‘zaro hamkorlik bitimlarini imzolashdi.
Mavzuga doir: Sankt-Peterburgda Toshkent kunlari bo‘lib o‘tmoqda
Izoh (0)