“Xalqlar do‘stligi” saroyida fuqarolarning yong‘in xavfsizligiga rioya qilishi, favqulodda sodir bo‘ladigan voqea-hodislarni oldini olish, gazdan to‘g‘ri foydalanish, kuz-qish mavsumini betalofat o‘tkazish borasida amalga oshirilayotgan ishlar tahliliga bag‘ishlangan yig‘ilish bo‘lib o‘tdi. Unda poytaxt faollari, mutasaddi rahbarlar va OAV vakillari ishtirok etishdi. Bu haqda Toshkent shahar hokimligi matbuot xizmati xabar berdi.
Yig‘ilishda Toshkent shahar hokimi vazifasini bajaruvchi Jahongir Ortiqxo‘jayev so‘z olib, fuqarolardan qish mavsumida ko‘tarilgan bugungi mavzuga rioya qilishlari, poytaxt faollari va mutasaddilari tomonidan ularga bu borada keng tushuntirish ishlarini olib borishi zarur ekanligini ta’kidladi.
Shuningdek, poytaxt hokimi Chilonzor va Yunusobod tumanida is gazi bilan bog‘liq ro‘y bergan mudhish voqealarga to‘xtalib, bunday holatlar qayta takrorlanmasligi uchun ma’sullarga barcha choralarni ko‘rish, fuqarolarni xushyorlikni yo‘qotmaslikka chaqirdi.
Yig‘ilish davomida ichki ishlar, yong‘in xavfsizligi, favqulodda vaziyatlar boshqarmasi xodimlari va bir qator mutasaddi rahbarlar yong‘in xavfsizligini oldini olishga qaratilgan ishlar bo‘yicha hisobot berishdi. Hisobotlarda mavzuga doir hayotiy lavhalar ham namoyish etildi.
J.Ortiqxo‘jayev mutasaddilarning bu borada qilayotgan ishlari hali qoniqarli darajada emasligini ta’kidlab, bir qator mas’ulyatsiz rahbarlarni qattiq ogohlantirdi.
Izoh (0)