Amerikaning Mega Millions lotereyasi tashkilotchilarining ma’lum qilishicha, 23-oktabr kuni o‘ynalgan 1,6 milliard dollarlik jek-potni kamida bir kishi yutib olgan. Meduza’ning yozishicha — bu rekord.
Yutuqli chipta Janubiy Karolina shtatida sotilgani aytilmoqda. Omadli chipta egasi lotereyada 5, 28, 62, 65, 70 va “mega-shar” 5 raqamlarini ko‘rsatgan.
Bundan boshqa ham yutuqli chipta bormi yoki yo‘q — hozircha noma’lum. Agar g‘oliblar bir necha kishi bo‘lsa, yutuq ular o‘rtasida teng taqsimlanadi.
Lotereya g‘olibi barcha pul yutug‘ini birdan olishi mumkin — bu holda yutuq miqdori 905 million dollargacha qisqaradi. Mabodo bo‘lib-bo‘lib olishga rozilik bildirsa, unda yutuq 29 yil davomida to‘lab beriladi.
Yutuqli jek-potning kattaligi bo‘yicha avvalgi rekord 2016-yil yanvarida Powerball lotereyasida o‘rnatilgan edi, o‘shanda 1,59 milliard dollardik jek-pot o‘ynalgan.
Izoh (0)